Benzemanın millidən kənarda qalmasına sevinən komanda yoldaşları

Fransa millisinin futbolçuları Antuan Qrizmann və Huqo Lloris Kərim Benzemanın dünya çempionatında iştirakdan kənarda qalmasına seviniblər. Corner.az xəbər verir ki, bu barədə “Give Me Sport” nəşri məlumat yayıb.

Məlumatda, sözügedən oyunçuların Benzemanın turnirdən əvvəl komandanı tərk etməsindən "məmnun" olduqları vurğulanıb. Özlərini komandanın lideri  gördükləri üçün Kərimin milliyə qayıtmasını istəmədikləri bildirilir.

Benzema dünən millidəki karyerasını başa vurduğunu açıqlayıb. O, 2007-ci ildən Fransa yığmasında çıxış edir. 2015-ci ildə hücumçu komanda yoldaşı Matye Valbuenanın şantaj qalmaqalına görə millinin oyunlarından uzaqlaşdırılıb. Ötən ilin mayında Benzema yenidən Fransa millisinə dəvət alıb və 97 oyunda 37 qol vurub.