DÇ-2022-nin ən yaxşı qolu bəlli oldu

Qətərdəki dünya çempionatının ən yaxşı qolu müəyyənləşib.

Corner.Az FIFA-nın rəsmi saytına istinadən xəbər verir ki, bu ada Braziliya millisinin hücumçusu Riçarlisonun qrup mərhələsinin ilk turunda Serbiya yığmasına vurduğu ikinci qol layiq görülüb.

İngiltərə "Tottenhem"ində çıxış edən 25 yaşlı futbolçu 73-cü dəqiqədə qayçı zərbəsi ilə topu rəqibin qapısından keçirib.

Qeyd edək ki, Riçarlison səsvermədə həmyerlisi Neymarı, Səudiyyə Ərəbistanı millisindən Salem Əl-Davsarini, Niderlanddan Kodi Qakponu, Argentinadan Entso Fernandesi, Kamerundan Vensan Abubakarı, Meksikadan Luis Çavesi, Fransadan Kilian Mbappeni və Cənubi Koreyadan Pek Sın Xonu geridə qoyub.