Klopp üçün ən böyük futbolçu

“Liverpul”un baş məşqçisi Yurgen Klopp dünya çempionatının finalında keçirilən Argentina – Fransa oyunu ilə bağlı fikirlərini bölüşüb. Corner.az xəbər verir ki, almaniyalı mütəxəssis Messi və onun komanda yoldaşlarını tərif yağdırıb:  

“Həqiqətən də çətin oyun və layiqli qələbə idi. 80-ci dəqiqədən sonra həyatımda gördüyüm ən yaxşı final idi. Argentina qələbəyə layiq idi, mən onlar üçün çox sevinirəm, bunu çoxdan gözləyirdilər. Həyatımda gördüyüm ən böyük futbolçu Lionel Messidir. Onun bu yaşda oynaması hamımıza futbolçuların nə qədər yüksək səviyyədə oynaya biləcəyi barədə fikir verməlidir. Kitabları tez bağlamamalıyıq. Onu izləmək çox xoş idi”.

Qeyd edək ki, 35 yaşlı Messi 2022-ci il Dünya Kubokunda yeddi oyunda 7 qol vurub və 3 məhsuldar ötürmə edib.