Serbiyada 2022-ci ilin ən yaxşı futbolçusu müəyyənləşib. Corner.az xəbər verir ki, bu ada İngiltərənin “Fulhem” klubunda çıxış edən hücumçu Aleksandr Mitroviç layiq görülüb.
Bu, 28 yaşlı futbolçunun ikinci belə tituludur. O, ilk dəfə 2018-ci ildə Serbiyada ən yaxşı futbolçu elan edilmişdi.
Serbiya yığmasında 79 oyuna 52 qol vurmuş Mitroviç 2018-ci ildən “Fulhem”in uğurları üçün çalışır. O, daha öncə “Nyukasl”, “Anderlext”, “Partizan” və “Teleoptik” kimi klubların da uğurları üçün çalışıb.
