Futbol üzrə Rusiya milli komandası İraq yığması ilə yoxlama oyunu keçirəcək. Corner.az Rusiya mətbuatına istinadən xəbər verir ki, bu məlumatı İraq milli futbol komandasının sözçüsü Məhəmməd İmad təsdiqləyib.
Onun sözlərinə görə, martın 26-da Sankt-Peterburqda, "Qazprom Arena" stadionunda Rusiya millisi ilə yoldaşlıq oyunu keçiriləcək.
Valeri Karpinin baş məşqçilik etdiyi komanda martda İran yığması ilə də üz-üzə gələcək. Görüş martın 23-də Tehranda baş tutacaq.
