Martın 24-də Afrika Millətlər Kubokunun seçmə mərhələsi çərçivəsində Misir millisi Malavini qəbul edib. Corner.az xəbər verir ki, qarşılaşma meydan sahiblərinin qələbəsi ilə yekunlaşıb – 2:0.
Komandasının ilk qoluna 20-ci dəqiqədə Məhəmməd Salah imza atıb. “Liverpul”da çıxış edən hücumçu üçün bu qol millinin heyətində 50-ci olub.
30 yaşlı hücumçu milli komandanın heyətində cəmi 86 matçda 50 qol vurub və 26 məhsuldar ötürmə edib. Salah Misir millisinin tarixində ən çox qol vuran futbolçudur.
