Afrika Millətlər Kubokunun seçmə mərhələsinin oyunları keçirilir. Corner.az xəbər verir ki, “Turan Tovuz”un müdafiəçisi Siyanda Xulunun formasını geyindiyi Cənubi Afrika millisi “Sumqayıt”ın yarımmüdafiəçisi Terrens Tisdellli Liberiya yığması ilə növbəti dəfə qarşılaşıb.
4 gün öncə Yohannesburqda sözügedən komandalar arasındakı görüşdə qalib müəyyənləşməmişdi – 2:2. Monroviyadakı qarşılaşmada isə Cənubi Afrika yığması 2:1 hesablı qələbəyə sevinib.
Azərbaycanda çıxış edən futbolçuların hər ikisi bu oyuna start heyətdə başlayıb. Siyanda 90 dəqiqə meydanda qalıbsa, Terrens fasilədə əvəzlənib.
Cənubi Afrika yığması hazırda yer aldığı K qrupunda 4 xalla ikinci, 1 xalı olan Liberiya isə üçüncü pillədə qərarlaşıb.
