Messi ancaq bu şərtlə DÇ-2026-da çıxış edəcək

“Lion”un müdafiəçisi Nikolas Talyafiko Argentina millisindəki komanda yoldaşı Lionel Messinin DÇ-2026-da çıxış edib-etməyəcəyi ilə bağlı fikirlərini bölüşüb.

90deqiqe.az xəbər verir ki, 31 yaşlı oyunçu kapitanın ancaq Amerika Kuboku – 2024-ü qazandıqları təqdirdə DÇ-2026-da iştirak edə biləcəyini bildirib.

“Leonun 2026-cı ildə keçiriləcək dünya çempionatında oynaması üçün nə baş verməlidi? Amerika Kuboku – 2024-ü qazanmalıyıq. Əgər bunu bacarsaq, Messi DÇ-2026-da çıxış etmək istəyəcək”.

Qeyd edək ki, Lionel Messinin yay fasiləsində keçdiyi “İnter Mayami” ilə müqaviləsi 2025-ci ilin sonuna qədərdi.