- Dünya çempionatı
- 21:10 06.05.2026
Cənubi Koreya millisinin hücumçusu Son Xın Min DÇ-2026-nın Asiya zonası üzrə seçmə mərhələsinin II turunda Çinlə görüşdə qələbədə böyük pay sahibi olub.
90deqiqe.az xəbər verir ki, sözgüedən matçda dubl edən 31 yaşlı futbolçu millidəki 115-ci oyununda qollarının sayını 40-a çatdırıb.
Ulduz forvard Cənubi Koreya tarixində ən məhsuldar 3-cü oyunçu olub. O, yalnız Hvan Son Xon (103 oyunda 50 qol) və Ça Bom Qından (136 oyunda 58 qol) geri qalır.
Qeyd edək ki, Çini 3:0 hesabı ilə məğlub edən Cənubi Koreya 6 xalla C qrupuna başçılıq edir.
