Skaloni Argentina millisindən ayrılır?

Argentina milli komandasının müdafiəçisi Kristian Romero yığmanın çalışdırıcısı Lionel Skaloninin postundan ayrılacağı  barədə danışıb. 90deqiqe.az xəbər verir ki, İngiltərə "Tottenhem"ində çıxış edən müdafiəçi, təcrübəli mütəxəssisin bununla bağlı futbolçulara heç nə demədiyini bildirib:

"Ümid edirik ki, Skaloni komandada qalacaq. Daha çox düşünmək üçün vaxtı var. O, paltardəyişmə otağında gedəcəyi ilə bağlı bizə heç nə deməyib. Onu komandada qalması üçün razı salmağa çalışacağıq. Məncə, Skaloni yığmada işinə davam etməlidir".

Xatırladaq ki, DÇ-2026-nın Cənubi Amerika zonası üzrə seçmə qrup mərhələsinin VI turunda Braziliya üzərində qələbədən sonra  (0:1) onun Argentina millisini tərk edəcəyi bildirilirdi.

Yarışın turnir cədvəlində Argentina 15 xalla birinci, Braziliya isə 7 xalla altıncı pillədə qərarlaşıb.