Braziliya millisi antirekorda imza atıb

Braziliya millisi dünya çempionatının seçmə mərhələləri tarixində ilk dəfə evdə məğlub olaraq antirekorda imza atıb.

90deqiqe.az Beynəlxalq Futbol Tarixi və Statistikaları Federasiyasının rəsmi saytına istinadən xəbər verir ki, DÇ-2026-nın seçmə mərhələsində Argentinaya 0:1 hesabı ilə uduzan "sambaçılar" cari ildə 5-ci məğlubiyyətə üzülüblər.

Hazırda dünya çempionatlarının seçmə mərhələlərində doğma meydanda uduzmayan yeganə komanda İspaniya millisidir.

Cənubi Amerika təmsilçisi bunadək keçirdiyi 64 ev matçından 51-də qələbə qazanmış, 13-də isə heç-heçə etmişdi. Braziliyalı millisinin seçmə mərhələdə 64 oyunluq uğurlu seriyası 1954-cü ildə Çili yığmasına qarşı keçirdikləri debüt qarşılaşmasından (1:0) sonra başlayıb.

Hazırda dünya çempionatlarının seçmə mərhələlərində doğma meydanda uduzmayan yeganə komanda İspaniya millisidir.

Qeyd edək ki, Braziliya millisi seçmə mərhələdə 6 turdan sonra 7 xalla altıncı pillədə qərarlaşıb.