Messi Lui van Qalla münaqişəsindən danışdı

Argentina millisi və "İnter Mayami"nin hücumçusu Lionel Messi Qətərdə keçirilən dünya çempionatı (2022) zamanı Niderland yığmasının baş məşqçisi Lui van Qalla münaqişəsindən danışıb.

90deqiqe.az xəbər verir ki, ulduz oyunçu həmin an hörmətsizlik etmədiyini lakin Van Qalın bilərəkdən etdiyi hərəkətlərin xoşuna gəlmədiyini bildirib:

“Mən əsəbi deyildim. Vəziyyət Levandovski ilə baş verənlərə bənzəyirdi. İnsanların meydandan kənarda danışıb, rəqibinə hörmət etməməsi məni narahat edir. Mən heç vaxt belə olmamışam. Hər şey meydanda qalır. Heç vaxt oyundan əvvəl rəqibi təxribat etməmişəm. Hörmətsizlik etməmişəm. Üstəlik, mənə bunu edəndə xoşum gəlmir. Van Qal bunu bilərəkdən edib. Bu şeyləri bəyənmirəm”.