Messinin forması tarixə qovuşur

Argentina Futbol Assosiasiyasının (AFA) prezidenti Klaudio Tapia Lionel Messi milli komandadan ayrıldıqdan sonra onun formasının nömrəsi silinəcəyini açıqlayıb.

90deqiqe.az xəbər verir ki, klub rəsmisi superulduzdan sonra "10" nömrənin həmişəlik təqaüdə çıxarılacağını bildirib: “Messi milli komandadan gedəndə ondan sonra heç kim 10 nömrə geyinməyəcək. Bu nömrə onun şərəfinə həmişəlik təqaüdə çıxacaq. Bu, onun üçün edə biləcəyimiz ən az şeydir”.

Qeyd edək ki, 36 yaşlı futbolçu 2005-ci ildən Argentina millisində çıxış edir. O, 180 oyun keçirib və 106 qol vurub. Lionel 2022-ci ildə dünya çempionu olub və 2021-ci ildə Amerika Kubokunun qalibi olub.