"O, Kameruna hörmət etmir” - Adebayor

"Arsenal"ın və Toqo millisinin sabiq hücumçusu Emmanuel Adebayor Kamerun millisinin qapıçısı Andre Onananı tənqid edib. 

90deqiqe.az xəbər verir ki, 39 yaşlı keçmiç futbolçu Onanın milli komandasına hörmətsizlik etdiyini söyləyib.

“Onana komandasının oyununa gecikmişdi? O, sadəcə Kameruna hörmət etmir”, - deyə Adebayor bildirib.

Daha əvvəl bildirilirdi ki, Onana Premyer Liqanın 21-ci turunun “Mançester Yunayted” – “Tottenhem” matçından (2:2) dərhal sonra millinin oyununa uçsa da, Afrika Millətlər Kuboku matçına 7 saat qalmış yalnız Abidjana çata bilib. Öz növbəsində Kamerun - Qvineya matçı Kot-d'İvuarın paytaxtı - Yamoussoukroda baş tutmalı idi.

Xatırladaq ki, 27 yaşlı qolkiper “Mançester Yunayted”lə oyuna görə Afrika Millətlər Kubokunun 1-ci turunun oyunöncəsi isinmə məşqinə gecikmişdi. Andre Qvineya ilə görüşdə (1:1) meydana çıxmayıb.

Onana bu mövsüm "Mançester Yunayted"in heyətində bütün yarışlarda 28 oyun keçirib və 45 qol buraxıb.