- Dünya çempionatı
- 13:43 07.09.2024
Misir millisinin və "Liverpul"un forvardı Məhəmməd Salah zədəsini sağaltdıqdan sonra hazırda Afrika Millətlər Kubokunda iştirak edən milli komandasına qayıtmaq istədiyini açıqlayıb.
90deqiqe.az xəbər verir ki, 31 yaşlı futbolçu bu barədə "X" sosial şəbəkəsindəki (keçmiş Twitter) rəsmi hesabında yazıb.
"Dünən müalicə və reabilitasiya proqramına başladım və əvvəldən razılaşdığımız kimi, milliyə qayıtmaq üçün əlimdən gələni edəcəyəm. Mən ölkəmi və onun xalqını sevirəm."
Xatırladaq ki, Salah Afrika Millətlər Kubokunun qrup mərhələsinin 2-ci turunun Qana ilə oyununda (2:2) zədələnərək birinci hissənin sonunda əvəzlənib. Onun belindən zədə aldığı bildirilir.
Afrika Millətlər Kubokunun 1/8 finalında Misir yığması Konqo Demokratik Respublikası ilə qarşılaşacaq. Qarşılaşma yanvarın 28-də baş tutacaq.