İsrail Amerika Kubokunda oynamağı planlaşdırır

İsrail Futbol Assosiasiyası Cənubi Amerikada futbolu idarə edən konfederasiya olan CONMEBOL ilə əməkdaşlıq müqaviləsi imzalayıb.

90deqiqe.Az "Daily Mail"ə istinadən xəbər verir ki, İsraildə əməkdaşlıq çərçivəsində onlar ölkə milli komandasının Amerika Kubokunda çıxış edəcəyinə ümid edirlər. Amerika kubokuna adətən başqa konfederasiyaların komandaları dəvət olunur.

Eyni zamanda, UEFA nümayəndələri bu qitə futbol forumunda heç vaxt çıxış etməyiblər.

Əlavə edək ki, növbəti Amerika Kuboku iyun-iyul aylarında ABŞ-da keçiriləcək. Heyətində Lionel Messinin yer aldığı Argentina millisi titulunu qoruyacaq.