Messi karyerasının sonundan danışıb

Argentina millisinin hücumçusu Lionel Messi 2024-cü il Amerika Kubokunun onun karyerasında sonuncu olacağını bildirib

90deqiqe.Az bu barədə xarici KİV-lərə istinadən xəbər verir.

“Həqiqət budur ki, bu, bizim üçün çətin Amerika Kuboku oldu, çünki komandalar həmişəkindən daha bərabər oynayırlar, çox pis meydançalar, çox yüksək temperatur var. Mənim üçün bu, sonuncu Amerika Kubokudur, biz sonuncuda oynadıq. Di Maria və Otamendi ilə Dünya Kuboku və indi biz son matçları birlikdə oynayırıq və bundan maksimum həzz alırıq”

Lionel Messinin kapitanı olduğu Argentina millisi 2024-cü il Kubokunun finalında Kolumbiya millisi ilə qarşılaşacaq. Turnirin final oyunu iyulun 15-nə təyin edilib. Oyun Bakı vaxtı ilə saat 04:00-da başlayacaq.

Xatırladaq ki, Argentina millisi Amerika Kubokunun hazırkı qalibidir. Komanda 2021-ci ildə Braziliyada keçirilən turnirin qalibi olub. Finalda Argentina cinah hücumçusu Anxel Di Marianın qolu sayəsində Braziliyanı minimal hesabla 1:0 hesabı ilə məğlub edib.