Darvin Nunes uzunmüddətli qadağa ilə üzləşib

Uruqvay millisinin və "Liverpul"un hücumçusu Darvin Nunes Kolumbiya ilə Amerika Kubokunun yarımfinal matçından sonra azarkeşlərlə kütləvi davaya qatıldığı üçün uzunmüddətli qadağa ala bilər.

90deqiqe.Az bu barədə xarici KİV-lərə istinadən xəbər verir.

Münaqişə zamanı ulduz futbolçu onu təhqir edən azarkeşlərə stul atıb.

Daily Mail-in məlumatına görə, CONMEBOL bu epizodu araşdıracaq və Nunes üçün cəza seçəcək.

Bundan əlavə, onun diskvalifikasiyası klub futboluna təsir edə biləcəyi vurğulanıb. Uruqvay Kolumbiyaya 0:1 hesabı ilə məğlub olub və Amerika Kubokundan kənarlaşdırılıb. Turnirin final oyununda Kolumbiya yığması Argentina millisi ilə üz-üzə gələcək. Qarşılaşma iyulun 15-də baş tutacaq.