Messi Alveşi geridə qoydu

Argentina millisinin 37 yaşlı hücumçusu və kapitanı Lionel Messi üçün Amerika Kubokunda qələbə onun karyerasında ikinci olub. 

90deqiqe.Az xəbər verir ki, Argentina və Kolumbiya milli komandaları arasında Amerika Kuboku 2024-ün final oyununda hücumçu Lautaro Martinezin qolu sayəsində 1:0 hesabı ilə qalib gələrək turnirin qalibi olublar.

Start heyətində meydana çıxan L.Messi zədə səbəbindən 66-cı dəqiqədə əvəzlənib.

Əvvəllər Messinin heyətində Argentina millisi 2021-ci ildə Braziliyada keçirilən Amerika Kubokunun qalibi olub. 2021-ci il Kubokunun finalında Argentinalılar Anxel Di Marianın qolu sayəsində ev sahibi komandanı 1:0 hesabı ilə məğlub edib.

Bu kubok Messinin karyerasında klub və ya milli komanda ilə qazandığı 45-ci titul olub. Bu göstəriciyə görə, argentinalı tarixin ən titullu futbolçusu kimi birinci yerdə olan braziliyalı Dani Alveşi geridə qoyub.