Nigeriya millisinin yeni baş məşqçisi bəlli oldu

Almaniyalı mütəxəssis Bruno Labbadia Nigeriya millisinin yeni baş məşqçisi olub.

90deqiqe.Az xəbər verir ki, 58 yaşlı mütəxəssisin təyinatını “super qartallar”ın mətbuat xidməti açıqlayıb.

Labbadia Afrika millisinin tarixində 37-ci sükançı olub. Alman məşqçinin son iş yeri 2023-cü ilin yazında tərk etdiyi "Ştutqart" olub. Bruno Labbadia bundan əvvəl "Bayer", "Hamburq", "Volfsburq" və "Herta"ya da rəhbərlik edib.

Xatırladaq ki, ötən qış Nigeriya millisi Afrika Millətlər Kubokunun finalına çıxıb və burada turnirin ev sahibi - Kot-d'İvuar millisinə uduzub (1:2). 2026-cı il dünya çempionatının seçmə mərhələsinin ilk mərhələsində nigeriyalılar ilk dörd görüşdə heç bir qələbə qazana bilməyib.