Poçettino ABŞ millisinə baş məşqçi təyin olunmasından danışdı

Məşhur argentinalı məşqçi Maurisio Poçettino Amerika millisinin yeni baş məşqçisi təyin olunması ilə bağlı açıqlama verib.

90deqiqe.Az xəbər verir ki, təcrübəli mütəxəssis bu barədə “Stars and Stripes”in mətbuat xidmətinə danışıb.

Poçettino, ABŞ komandasına təkcə futbola görə deyil, həm də bu komandanın keçdiyi səyahətə görə rəhbərlik etmək qərarına gəldiyini və hazırda ABŞ komandasında çox şeyə qadir olan bir qrup istedadlı oyunçu olduğunu bildirib.

"Biz birlikdə bütün ölkənin fəxr edəcəyi xüsusi bir komanda qura bilərik" 

Xatırladaq ki, Maurisio Poçettino Amerika millisi ilə 2 illik müqavilə imzalayıb. Mütəxəssis buna qədər “Çelsi”, PSJ, “Tottenhem” və digər klublarda işləməyi bacarıb.