Eder Militao bu oyunları buraxacaq

"Real Madrid"in müdafiəçisi Eder Militao sıradan çıxıb.

90deqiqe.Az klubun mətbuat xidmətinə istinadən məlumat verir ki, 26 yaşlı futbolçu Braziliya millisinin 2026-cı il dünya çempionatının seçmə mərhələsində qarşıdakı oyunlarını buraxacaq.

Braziliyalı futbolçuya bud nahiyəsində əzələ zədələnməsi diaqnozu qoyulub.

Militao Çili (11 oktyabr) və Peru (16 oktyabr) ilə matçlarda milli komandasına kömək edə bilməyək.

Eder Militao 2019-cu ildən "Real Madrid"də çıxış edir. Bu mövsüm Los Blancos-un heyətində 12 oyun keçirib, 1 qol və 1 məhsuldar ötürmə edib. Doqquz turun nəticələrinə əsasən, Madrid 21 xalla La Liqanın turnir cədvəlində ikinci yerdədir.