“Belə şəraitdə oynamaq çox çətindir"

Argentinalı ulduz hücumçu Lionel Messi milli komandasının 2026-cı il dünya çempionatının seçmə mərhələsində Venesuela ilə heç-heçə etdiyi haqda danışıb.

90deqiqe.Az-ın məlumatına görə, Messi "Reuters" agentliyinə deyib ki, komanda yoldaşları qazonun pis vəziyyətdə olması səbəbindən ardıcıl iki normal ötürmə belə edə bilməyiblər.

“Belə şəraitdə oynamaq çox çətindir. Bu gün meydanın ot örtüyü bizə qələbə qazanmağa mane oldu.Görüş çox iyrənc keçdi.”

Xatırladaq ki, Argentina - Venesuela görüşü 1:1 hesabı ilə heç-heçə başa çatıb. Lionel Messi bütün matçı meydanda keçirsə də, heç bir qol və ötürmə edə bilməyib.