DÇ-2026: Azərbaycan millisinin seçmə mərhələdəki rəqibləri bilindi

Futbol üzrə 2026-cı il dünya çempionatının Avropa zonası üzrə seçmə mərhələsinin püşkü atılıb.

90deqiqe.Az-ın məlumatına görə, İsveçrənin Sürix şəhərində təşkil olunan püşkatmada futbol üzrə Azərbaycan millisi IV səbətdə yer alıb.

Püşkatma nəticəsində Fernandu Santuşun baş məşqçi olduğu yığmamız Fransa/Xorvatiya cütünün qalibi, Ukrayna və İslandiya kollektivləri ilə birlikdə D qrupunda mübarizə aparacaq.

Qeyd edək ki, DÇ-2026-ya ABŞ, Meksika və Kanada ev sahibliyi edəcək. Mundiallar tarixində final mərhələsi ilk dəfə 48 komandanın iştirakı ilə keçiriləcək.