"Dördüncü dəfə dünya çempionatında oynamaq istəyirəm"

“Əl-Hilal”ın ulduzu braziliyalı hücumçu Neymar 2026-cı il dünya çempionatında iştirak etmək istədiyini açıqlayıb.

90deqiqe.Az “RMC Sport”a istinadən xəbər verir ki, 32 yaşlı forvard bir çox oyunçu üçün Dünya Kubokunda iştirak prioritet məqsəd olduğunu və karyerası ərzində 3 dəfə mundialda çıxış etsə də bunu dördüncü dəfə etmək istədiyini bildirib.

“Mən buna diqqət etməliyəm və yaxşı hazırlaşmalıyam. Biz əla formada olmalıyıq və klub səviyyəsində özümüzü sübut etməliyik”

Xatırladaq ki, hazırda Braziliya millisi Cənubi Amerikanın seçmə mərhələsinin turnir cədvəlində beşinci yeri tutur.