"ABŞ 10-15 ildən sonra futbola hakim ola bilər"

ABŞ millisinin baş məşqçisi Maurisio Poçettino, Amerika futbolunun dünya səhnəsində hakim olacağına inandığını bildirib.

90deqiqe.Az-ın "İndependent"ə istinadən verdiyi məlumata görə, çalışdırıcı, ABŞ komandasının böyük potensiala sahib olduğunu və yaxın gələcəkdə bunun nəticələrini verməyə başlayacağını vurğulayıb.

“Düşünürəm ki, biz futbola hakim ola bilərik. Bəlkə 10-15 ildən sonra, yaxud daha tez - beş və ya yeddi ildən sonra. Ancaq bu, böyük iş tələb edir, amma mütləq öz bəhrəsini verəcək”

Xatırladaq ki, ABŞ Kanada və Meksika ilə birlikdə 2026-cı il dünya çempionatının üç ev sahibi ölkədən biri olacaq.