- Dünya çempionatı
- 22:44 24.03.2025
Beynəlxalq Futbol Assosiasiyaları Federasiyası (FİFA), Meksikanın "Leon" klubunun 2025-ci il Klublararası Dünya Çempionatından kənarlaşdırılacağını açıqlayıb.
90deqiqe.Az-ın məlumatına görə, ali qurum, yaxın vaxtlarda "Leon"u əvəz edəcək klubun adını açıqlayacağını bildirib.
"Paçuka və Leona qarşı intizam icraatının başlanmasından sonra, FİFA İntizam Komitəsinin sədri, FİFA İntizam Məcəlləsinin 56-cı maddəsinin 3-cü bəndinə uyğun olaraq, işi birbaşa FİFA Apellyasiya Komitəsinə göndərmək qərarına gəlib. FİFA Apellyasiya Komitəsinin sədri, bütün sübutları nəzərdən keçirərək qərara alıb ki, "Paçuka" və "Leon" 2025-ci il Klublararası Dünya Çempionatı Reqlamentinin 10(1) maddəsində göstərilən çoxkluba sahiblik meyarlarına uyğun gəlmir".
FİFA, həmçinin 2025-ci il Klublararası Dünya Çempionatı Reqlamentinin 10-cu maddəsinin 4-cü bəndinə əsaslanaraq, "Leon"un yarışdan kənarlaşdırılmasına və onun yerinin dəyişdirilməsinə qərar verib.
Klublararası Dünya Çempionatı 2025-ci ilin iyunun 15-dən iyulun 13-dək ABŞ-da keçiriləcək. Meksikanın "Leon" və "Paçuka" klubları eyni şirkətə məxsusdur.
