Klublararası dünya çempionatında "Leon"un yerini "Barselona" və ya "Liverpul" ala bilər

"Barselona" və ya "Liverpul" 2025-ci il Klublararası Dünya Çempionatında Meksikanın "Leon"unu əvəz edə bilər.

90deqiqe.Az-ın "Sport.es"ə istinadən verdiyi xəbərə görə, hazırda Beynəlxalq Futbol Assosiasiyaları Federasiyası (FİFA) "Leon"u kimin əvəzləyəcəyini hələ nəhayət müəyyən etməyib. Lakin çox güman ki, Meksika komandasının yerini yuxarıda adı çəkilən Avropanın aparıcı klublarından biri tutacaq.

FİFA "Leon"u Klublararası Dünya Kubokundan kənarlaşdırıb, çünki o, yarışda iştirak edən Meksikanın "Paçuka" komandası ilə ortaqdır.

İyunun 15-dən iyulun 13-dək ABŞ-da klublararası dünya çempionatı keçiriləcək.