CONMEBOL prezidenti dünya çempionatında iştirakçıların sayını artırmağı təklif edir

Cənubi Amerika Futbol Konfederasiyasının (CONMEBOL) rəhbəri Alexandro Dominqes dünya çempionatında iştirakçıların sayının müvəqqəti genişləndirilməsi təşəbbüsü ilə çıxış edib.

90deqiqe.Az-ın "Globo"ya istinadən verdiyi xəbərə görə, Dominqes, yubiley turniri olacaq 2030-cu ildə keçiriləcək turnirdə 64 komanda çıxış etməli olduğunu bildirib.

"Siz yalnız bir dəfə 100 yaşı tamam olursunuz. Ona görə də biz FİFA-ya təklif edirik ki, bu yubiley eyni vaxtda üç qitədə 64 komanda ilə qeyd olunsun"

Yarış oyunlarının əsas hissəsi İspaniya, Portuqaliya və Mərakeşdə keçiriləcək. Uruqvay, Argentina və Paraqvay da hərəyə bir oyun keçirəcək. Uzun müddət dünya çempionatında iştirakçıların sayı 32 komanda idi. Növbəti turnirdə tarixdə ilk dəfə olaraq onlardan 48-i olacaq.