Ançelotti Neymarın millidəki gələcəyini müzakirə edib

Braziliya millisinin baş məşqçisi Karlo Ançelotti komandaya cəlb edilə biləcək futbolçularla bağlı danışıqlar aparıb.

90deqiqe.Az “Ge Globo”ya istinadən xəbər verir ki,  təcrübəli mütəxəssis “Santos”un hücumçusu Neymar və “Mançester Yunayted”in yarımmüdafiəçisi Kazemironun milli komandadakı gələcəyini müzakirə edib.

Ançelotti ümid edir ki, Kazemiro yaxın zamanda yenidən heyətə qoşulacaq. Neymarın isə qarşıdan gələn dünya çempionatında komandanın əsas fiqurlarından biri olacağı gözlənilir.

Qeyd edək ki, Braziliya yığması hazırda DÇ-2026-nın Cənubi Amerika üzrə seçmə mərhələsində dördüncü pillədə qərarlaşıb və turnirin sonuna dörd oyun qalır. Neymar və Kazemiro 2023-cü ilin payızından milli komandaya dəvət almayıblar.