Ançelotti Kakanı Braziliya millisinə çağırmaq istəyir

Karlo Ançelotti mayın 26-dan Braziliya millisinin baş məşqçi postuna başlayacaq. 

90deqiqe.Az Braziliyanın "CNN" telekanalına istinadən xəbər verir ki, italyan mütəxəssis Kakanın məşqçilər korpusuna qoşulmasını istəyir. 

Ançelotti artıq 43 yaşlı Kaka ilə əlaqə saxlayıb. Kaka futbolçu karyerası ərzində Ançelottinin rəhbərliyi altında "Milan"da 270 oyun keçirib.

Kaka çəkmələrini çox erkən asdı - 35 yaşında (2017-ci ildə). İyun ayında Braziliya millisi DÇ-2026-nın seçmə mərhələsi çərçivəsində Ekvador və Paraqvayla qarşılaşacaq. Seleçaolular hələ dünya çempionatına vəsiqəni təmin etməyiblər.