Mourinyo Portuqaliya millisini çalışdıra bilər

Türkiyənin "Fənərbağça" klubunun hazırkı baş məşqçisi Joze Mourinyonun Portuqaliya millisinin növbəti çalışdırıcısı olacağı gözlənilir.

90deqiqe.Az "HT Spor"a istinadən xəbər verir ki, 62 yaşlı mütəxəssis iyunda Millətlər Liqasının final turnirindən sonra milli komandaya rəhbərlik edə bilər.

Portuqaliyalı çalışdırıcı artıq milli ilə ilkin razılığa gəlib.

Portuqaliya millisinə hazırda Roberto Martines başçılıq edir. Mourinyo ötən ilin yayından "Fənərbağça"da çalışır və hazırkı müqaviləsi 2026-cı ilin yayına kimi nəzərdə tutulub. Əvvəllər Joze "Porto", "Çelsi", "İnter", "Real", "Mançester Yunayted", "Tottenhem" və "Roma" kimi komandalara rəhbərlik edib. 62 yaşlı portuqaliyalı mütəxəssis heç vaxt milli komandalarla işləməyib.