"Ümid edirəm ki, Braziliya Ançelotti ilə Dünya Kubokunu qazanar"

Braziliya millisinin sabiq futbolçusu Ronaldinyo Karlo Ançelottinin Braziliya millisinin yeni baş məşqçisi təyin olunmasına münasibət bildirib.

90deqiqe.Az xəbər verir ki, "Marca" nəşri sabiq fulçunun fikirlərini belə çatdırıb:

"Məncə, bu, yaxşı qərardır. Bir braziliyalı olaraq mən xoşbəxtəm və ümid edirəm ki, Ançelotti əla iş görəcək və növbəti Dünya Kubokunu qazanacaq"

Braziliya beş dəfə mundialın qalibi olub, lakin sonuncu dəfə kuboku 2002-ci ildə başı üzərinə qaldırıb.

Xatırladaq ki, 2026-cı il dünya çempionatı eyni vaxtda üç ölkədə: ABŞ, Kanada və Meksikada keçiriləcək.

Braziliyalılar növbəti oyununu iyunun 6-da Ekvadorla keçirəcəklər.