“Qısa hazırlıq müddəti oyuna təsir etdi”

Braziliya millisinin hücumçusu Vinisius Junior DÇ-2026-nın seçmə mərhələsinin 15-ci turunda Ekvadorla heç-heçədən danışıb. 

90deqiqe.Az xəbər verir ki, "Ge Globo" futbolçunun dediklərini belə çatdırıb. 

"Onun öz oyun planını göstərməyə vaxtı yox idi. Cəmi iki və ya üç günlük məşq var idi".

Qeyd edək ki, bu, baş məşqçi Karlo Ançelottinin rəhbərliyi altında Braziliya millisi üçün ilk oyun olub.

Hazırda Braziliya millisi Cənubi Amerikada 2026-cı il dünya çempionatının seçmə mərhələsində 22 xalla dördüncü pillədə qərarlaşıb. Ekvador isə öz növbəsində 24 xalla ikinci yerdədir.

Növbəti mərhələdə Braziliya millisi Paraqvay, Ekvador isə Peru millisi ilə qarşılaşacaq. Hər iki qarşılaşma iyunun 11-də keçiriləcək.