“Qələbəyə baxmayaraq, oyun məni qane etmədi”

İngiltərə millisinin baş məşqçisi Tomas Tuxel 2026-cı il dünya çempionatının seçmə mərhələsinin 3-cü turunda Andorra üzərində qazandıqları minimal hesablı qələbəni (1:0) şərh edib.

90deqiqe.Az xəbər verir ki, təcrübəli mütəxəssis bu barədə UEFA-nın mətbuat xidmətinə açıqlamasında danışıb.

"Yaxşı oynadığımız 25 dəqiqə oldu. Həmin hissədə vaxtlama düzgün idi, komandada temperament, diqqət və münasibət qaydasında idi. Amma sonda bu, normal oyun olmadı. Çünki konsentrasiyanı və seçmə mərhələdə vacib olan təcili hərəkətliliyi itirdik.

Biz oyunçulardan daha çox mövqe intizamı, ötürmələrdə vaxtlama dəqiqliyi, qərar qəbuletmədə daha yüksək keyfiyyət və meydanın hər nöqtəsində xırdalıqlara diqqət tələb edirdik. Bu detallara qayıtdıq, sonra qol vurduq və bir neçə qol fürsətimiz də oldu. Amma yenidən oyunun səviyyəsini aşağı saldıq və bu nəticə bizi qətiyyən razı salmadı".