“Ronaldo dünya çempionu olmaq arzusuna çata bilməyəcək”

Fransanın tanınmış sabiq futbolçusu Vilyam Qallas portuqaliyalı superulduz Kriştiano Ronaldonun karyerası ilə bağlı fikirlərini bölüşüb.

90deqiqe.Az-ın “Prime Casino”ya istinadən verdiyi məlumata görə, onun fikrincə, Ronaldonun Portuqaliya millisiylə dünya çempionu olmaq şansı olduqca azdır.

“Ronaldo gələn yay keçiriləcək dünya çempionatında iştirak edəcək. Bu, istənilən halda emosional olacaq. Ola bilər ki, o, start heyətində yer almasın, lakin ehtiyatdan oyuna qoşulacaq. Portuqaliya kifayət qədər güclü görünür, amma Ronaldonun bu arzusunu gerçəkləşdirməsi inanılmaz dərəcədə çətin olacaq. Yəqin ki, bu hekayə göz yaşları ilə bitəcək”

Qeyd edək ki, Ronaldonun dünya çempionatlarında Portuqaliya millisiylə ən yaxşı nəticəsi 2006-cı ildə dördüncü yer olub.