Tramp Putini 2026 Dünya Çempionatına dəvət edəcək

ABŞ Prezidenti Donald Tramp Ovovalı kabinetdə çıxışı zamanı Rusiya Prezidenti Vladimir Putini 2026-cı il Dünya Çempionatına dəvət edə biləcəyini bildirib.

90deqiqe.Az-ın məlumatına görə, Tramp qeyd edib ki, bu, “hadisələrin gedişatından” asılı olacaq. Prezident çıxışı zamanı Alaskada keçirilmiş görüş zamanı Putinin yanında çəkilmiş fotosunu da göstərib.

Qeyd edək ki, 2026-cı il Dünya Çempionatı ABŞ, Kanada və Meksikada təşkil olunacaq. Turnirdə 48 milli komanda iştirak edəcək və komandalar 12 qrupda, hər qrupda dörd komanda olmaqla bölünəcəklər. Playout mərhələsinə qruplarda ilk iki yeri tutan komandalar, eləcə də üçüncü yerdə olan səkkiz ən yaxşı komanda çıxacaq. Bundan əlavə, 2026-cı il Dünya Çempionatında yeni mərhələ – 1/16 final tətbiq ediləcək.