Neymar zədələndi - Braziliya millisinin oyunlarını buraxa bilər

“Santos”un hücumçusu Neymar zədə səbəbindən Braziliya millisinin qarşıdakı oyunlarını buraxa bilər.

90deqiqe.Az-ın "O Globo"ya istinadən məlumatına görə, futbolçu ötən gün məşq zamanı ağrı hiss edib və gəzərkən də narahatlıq yaşadığını bildirib. Bunun ardından Neymar yalnız fərdi şəkildə idman zalında çalışıb. Klub artıq hücumçunun durumunu milli komandanın məşqçilər heyətinə çatdırıb.

Ulduz futbolçunun yığmanın düşərgəsində əlavə tibbi müayinədən keçməsi istisna olunmur, lakin bunun ehtimalı azdır. Baş məşqçi Karlo Ançelotti yaxın vaxtlarda sentyabrda keçiriləcək dünya çempionatının seçmə mərhələsi üçün heyəti açıqlayacaq.

Qeyd edək ki, Neymar son dəfə Braziliya millisinin heyətində 2023-cü ilin oktyabrında meydana çıxıb. Cənubi Amerika təmsilçisi seçmə mərhələdə sentyabrın 5-də Çili, 10-da isə Boliviya ilə qarşılaşacaq.