- Dünya çempionatı
- 22:53 04.12.2025
Reykyavikdə keçiriləcək Dünya Çempionatı-2026 seçmə mərhələsinin Azərbaycan və İslandiya milli komandaları arasında baş tutacaq oyunun hakim təyinatları açıqlanıb.
90deqiqe.Az-ın məlumatına görə, bu qarşılaşmanın idarə olunması Niderlandlı hakimlər briqadasına həvalə edilib. FIFA referisi Sander van der Eyk, qarşılaşmanı idarə edəcək. Ona kömək edəcək hakimlər isə Rens Blümink və Stefan de Qroot olacaq. Dördüncü hakim funksiyasını Mark Naqteqaal yerinə yetirəcək.
Oyun zamanı VAR (Video Assist Referee) sistemindən də istifadə ediləcək. VAR-da Jerön Mansxot, AVAR-da isə Klay Ruperti əyləşəcək.
Qarşılaşma, Reykyavikdəki "Lauqardalsvöllur" stadionunda keçiriləcək və yerli vaxtla saat 22:45-də start götürəcək.
Bu oyun hər iki komanda üçün mühüm əhəmiyyət kəsb edir, çünki hər iki yığma Dünya Çempionatı-2026-ya vəsiqə qazanmaq uğrunda mübarizələrini davam etdirirlər.
