“Hədəfim 2026 mundialına getməkdir, hələlik “Mançester Yunayted”i tərk etmirəm”

Braziliyalı yarımmüdafiəçi Kazemiro “Əl-Nəsr”dən təklif alması ilə bağlı qərarını açıqlayıb

90deqiqe.Az-ın "Goal Brasil"ə istinadən məlumatına görə, 33 yaşlı futbolçu bu yay “Mançester Yunayted”dən ayrılmaq istəmədiyini bildirib.

Futbolçunun bu addımının əsas məqsədi Braziliya millisinin heyətində 2026-cı il dünya çempionatında iştirak etmək olmasıdır.

Bununla yanaşı, Kazemiro növbəti il – “Old Trafford”la mövcud müqaviləsi başa çatdıqdan sonra Səudiyyə Ərəbistanına köçmə ehtimalını istisna etmir.

Qeyd edək ki, Kazemiro yeni mövsümdə “Mançester Yunayted”in keçirdiyi üç oyunun hər birinə start heyətində çıxıb. Hər görüşdə o, ikinci hissədə əvəzlənib.