Portuqaliya Ermənistanı 5:0 hesabı ilə məğlub etdi

2026-cı il Dünya Çempionatının Avropa seçmə mərhələsinin I turu çərçivəsində Ermənistan və Portuqaliya yığmaları üz-üzə gəlib.

90deqiqe.Az-ın məlumatına görə, İrəvanda baş tutan görüşdə qonaqlar 5:0 hesablı darmadağınlı qələbə qazanıb.

10-cu dəqiqədə “Əl-Nəsr” klubunun hücumçusu Joao Feliks hesabı açdı. 21-ci dəqiqədə onun komanda yoldaşı Kriştiano Ronaldo üstünlüyü artırdı. 33-cü dəqiqədə “Əl-Hilal” klubunun müdafiəçisi Joao Kanselu hesabı daha da böyütdü. İkinci hissənin əvvəlində, 46-cı dəqiqədə Ronaldo fərqlənərək dubla imza atdı. 62-ci dəqiqədə Joao Feliks ikinci qolunu vurdu.

F qrupunda digər komandalar isə İrlandiya və Macarıstan yığmalarıdır. II turda Portuqaliya səfərdə Macarıstanla, Ermənistan isə evdə İrlandiya ilə qarşılaşacaq. Hər iki oyun sentyabrın 9-da baş tutacaq.