Kriştiano Ronaldo karyerasında 942-ci qolunu vurdu

Portuqaliya millisinin və “Əl-Nəsr” klubunun hücumçusu Kriştiano Ronaldo karyerasında 942-ci qolunu vurub. 

90deqiqe.Az-ın məlumatına görə, bu, 2026-cı il Dünya Çempionatının Avropa seçmə mərhələsinin I turunda Ermənistanla keçirilən oyun (5:0) zamanı baş verib. 

40 yaşlı ulduz 21-ci və 46-cı dəqiqələrdə fərqlənib və 57-ci dəqiqədə yerini Gonsalo Ramuşa verib. Qeyd edək ki, Ronaldo karyerasında vurduğu 942 qoldan 140-ı Portuqaliya millisinin hesabına yazılıb ki, bu da dünya rekordudur.

Qrupun II turunda Portuqaliya səfərdə Macarıstan yığması ilə qarşılaşacaq. Oyun sentyabrın 9-da baş tutacaq.