"Braziliyadan sonra mən yalnız bir komandaya başçılıq etməyə hazıram"

Braziliya millisinin baş məşqçisi Karlo Ançelotti gələcək karyerası ilə bağlı maraqlı açıqlama verib.

90deqiqe.Az-ın "Madrid Universal"a istinadən məlumatına görə, o, millidəki fəaliyyətindən sonra yalnız Madridin “Real” klubunu çalışdırmağa razı olacağını bildirib. 

Ançelotti vurğulayıb ki, “Real” onun üçün xüsusi bir klubdur və Braziliya millisindəki missiyasından sonra yalnız burada işləmək arzusu var.

66 yaşlı mütəxəssis “Kral klubu”nu 2013-2015 və 2021-2025-ci illərdə çalışdırıb. Onun rəhbərliyi altında “Real” üç dəfə Çempionlar Liqasının qalibi olub, iki dəfə İspaniya çempionu olub, üç dəfə UEFA Superkubokunu qazanıb və iki dəfə həm İspaniya Kuboku, həm də Superkubokunu qazanıb.