“Flikin fikirləri məni təəccübləndirdi”

İspaniya millisinin baş məşqçisi Luis de la Fuente “Barselona”nın baş məşqçisi Hans-Diter Flikin fikirlərinə münasibət bildirib. 

90deqiqe.Az xəbər verir ki, "AS" çalışdırıcının dediklərini belə çatdırıb.

“Deyə bilərəm ki, o, milli komandanın sabiq məşqçisidir və bizim necə işlədiyimizi yaxşı bilir. Mənə ən çox təəccüblü görünən odur ki, belə fikir məhz milli komandanın sabiq baş məşqçisi tərəfindən səsləndirildi. Hər kəs öz fikrini deyə bilər.”

Xatırladaq ki, Flik daha əvvəl iddia etmişdi ki, “Furiya Roxa” milli komandası futbolçuların sağlamlığına kifayət qədər diqqət yetirmir. Alman mütəxəssis xüsusilə “blauqrana”nın qanad oyunçusu Lamin Yamalın sentyabr ayında milli komanda oyunlarında iştirak etməsinə etiraz etmişdi, çünki futbolçuda müəyyən narahatlıq vardı.

Qeyd edək ki, oktyabrın 3-də “Barselona” Yamalın yenidən qasıq nahiyəsində ağrılar hiss etdiyini açıqlayıb. Futbolçunun 2-3 həftə ərzində meydana çıxmayacağı gözlənilir.