Harri Keyn latviyalılarla oyunu buraxa bilər

İngiltərə millisinin hücumçusu Harri Keyn bu gün komandanın ümumi məşqlərində iştirak etməyib.

90deqiqe.Az "The Independent"ə istinadən xəbər verir ki, digər futbolçular açıq havada məşq edərkən, Keyn tibbi heyətin nəzarəti altında fərdi məşq proqramı ilə idman edib.

Bu səbəbdən hücumçu növbəti yoldaşlıq oyunu – İngiltərənin cümə günü Uelsə qarşı keçirəcəyi matçı buraxa bilər. Keyn “Bavariya”nın son matçında “Ayntraxt”a qarşı zədələnmişdi və həmin oyundan sonra bildirib ki, bir neçə gün içində məşqlərə qayıdacaq.

Qeyd edək ki, İngiltərə millisi çərşənbə günü DÇ-2026-nın seçmə mərhələsində İngiltərə Latviya ilə qarşılaşacaq.