“Rəqib haqqında çox danışmağa ehtiyac yoxdur”

Azərbaycan milli komandasının müdafiəçisi Bəhlul Mustafazadə Dünya Çempionatı-2026-nın seçmə mərhələsi çərçivəsində səfərdə Fransa ilə keçiriləcək oyundan öncə mətbuat konfransında fikirlərini bölüşüb.

90deqiqe.Az xəbər verir ki, o bildirib ki, önəmli olan komandanın Fransa yığmasına qarşı reaksiyasıdır:

“Rəqib haqqında geniş danışmağa ehtiyac yoxdur. Öncə bizim Fransa yığmasına qarşı necə reaksiya verəcəyimiz önəmlidir. Bu gün son məşqimizi keçəcəyik və sabah meydanın hər qarışı uğrunda mübarizə aparacağıq. Komanda yoldaşlarımızla oyun barədə söhbətlərimiz olur, kollektiv şəkildə matça hazırlaşırıq. Sabah yaxşı mübarizə aparmağa çalışacağıq.”

Qeyd edək ki, Fransa – Azərbaycan oyunu oktyabrın 10-u Bakı vaxtı ilə saat 22:45-də “Park de Prens” stadionunda keçiriləcək.