Pavard Fransanın millisinə dəvət olunub

“Marsel”in mərkəz müdafiəçisi Benjamin Pavard Fransa millisinin heyətinə çağırılıb.

90deqiqe.Az "Le Parisien"ə istinadən xəbər verir ki, 29 yaşlı futbolçu zədələnmiş “Liverpul” müdafiəçisi İbrahim Konatenin əvəzinə dəvət alıb.

Fransa millisi oktyabrın 13-də DÇ-2026-nın seçmə mərhələsində İslandiya ilə qarşılaşacaq. Oyun Reykyavikdəki “Laugardalsvöllur” stadionunda keçiriləcək. Qələbə fransızlara dünya çempionatına vəsiqə qazanmaq imkanı verə bilər.

Pavar 2025-ci ilin sentyabrında “İnter”dən “Marsel”ə icarə əsasında keçib. Cari mövsümdə o, bütün turnirlərdə 6 oyuna çıxıb və 1 qol vurub. Fransa millisində isə 55 oyuna çıxan futbolçu 5 qol vurub.