- Dünya çempionatı
- 01:36 29.06.2026
Portuqaliya millisi DÇ-2026-nın Avropa zonası üzrə seçmə mərhələsinin IV turunda növbəti oyununu keçirib.
90deqiqe.Az xəbər verir ki, Roberto Martinesin komandası evdə Macarıstan yığmasını qəbul edib.
Lissabondakı “Joze Alvalade” stadionunda baş tutan qarşılaşma 2:2 hesabı ilə başa çatıb. Portuqaliyalıların heyətində 40 yaşlı Kriştiano Ronaldo dubl müəllifi olub- 22-ci və 45+3-cü dəqiqələrdə fərqlənərək yığma və klub karyerasındakı qollarının sayını 948-ə çatdırıb.
Bununla yanaşı, Ronaldu dünya çempionatlarının seçmə mərhələlərində vurduğu qolların sayını 41-ə çatdıraraq yeni rekord müəyyənləşdirib.
Qonaq komandanın heyətində isə Adam Salay (8-ci dəqiqə) və Dominik Soboslai (90+1-ci dəqiqə) fərqləniblər.
Bu nəticədən sonra Portuqaliya millisi 10 xalla E qrupuna liderlik edir. Macarıstan 5 xalla ikinci pillədə qərarlaşıb.
Növbəti turda – noyabrın 13-də Portuqaliya İrlandiyanın qonağı olacaq, Macarıstan isə səfərdə Ermənistanla qarşılaşacaq.
Qeyd edək ki, hazırkı dünya çempionu Argentina millisidir. Cənubi amerikalılar 2022-ci ilin finalında Fransa ilə qarşılaşmada əsas və əlavə vaxtı 3:3 hesabı ilə başa vurmuş, penaltilər seriyasında 4:2 qalib gəlmişdilər.
