Afrika yığmaları DÇ-2026-nın final mərhələsinə birbaşa vəsiqə qazanıb

2026-cı il dünya çempionatına birbaşa vəsiqə qazanan bütün Afrika milli komandaları müəyyənləşib.

90deqiqe.Az xəbər verir ki, birbaşa final mərhələsinə vəsiqə əldə edənlər sırasında Senegal, Kabo-Verde, Mərakeş, Əlcəzair, Cənubi Afrika, Misir, Qana, Tunis və Kot-d’İvuar yer alır.

Afrika zonasında qrup qalibi olan 9 komanda birbaşa dünya çempionatına vəsiqə qazanıb. Play-off mərhələsində isə Qabon, Konqo Demokratik Respublikası, Kamerun və Nigeriya mübarizə aparacaq.

2026-cı il dünya çempionatı ABŞ, Kanada və Meksikada keçiriləcək. Turnir iyunun 11-də başlayacaq, final görüşü isə iyulun 19-da ABŞ-ın East-Rutherford şəhərindəki “MetLife” stadionunda baş tutacaq.

Turnirdə iştirak edən komandalar 12 qrupa bölünəcək və hər qrupda 4 komanda yer alacaq. Play-off mərhələsinə isə qruplarında ilk iki yeri tutan komandalar, eləcə də üçüncü yeri tutan ən yaxşı 8 komanda yüksələcək.