“Yamalın komandadan çıxarılması məni şoka saldı”

İspaniya milli komandasının baş məşqçisi Luis de la Fuente “Barselona”nın hücumçusu Lamin Yamalın komanda heyətindən çıxarılması barədə açıqlama verib.

90deqiqe.Az-ın məlumatına görə, jurnalist Fabrisio Romano təcrübəli çalışdırıcının dediklərini belə çatdırıb.

“Mən təəccübləndim, belə vəziyyətlə əvvəllər heç vaxt qarşılaşmamışdım. Düzünü desəm, bunu normal vəziyyət hesab etmirəm.Siz heç nə bilmirsiniz, xəbərlər sizə çatmır… və birdən-birə belə bir şey baş verir.”

Qeyd edək ki, əvvəllər məlum olmuşdu ki, Yamal qasıq nahiyəsində narahatlığın müalicəsi üçün invaziv radiofrekans proseduru keçirmiş və bu səbəbdən milli komandaya yaxın oyunlarda kömək edə bilməyəcək.